Il-ħaddiema fis-settur finanzjarju jixirqilhom il-protezzjoni

Jridu jittieħdu deċiżjonijiet li jissalvagwardjaw l-impjiegi u r-reputazzjoni tas-settur

‘L-eluf ta’ ħaddiema li jaħdmu fis-settur tas-servizzi finanzjarji jixirqilhom li jingħataw il- protezzjoni kollha.’, hekk qal il-Kap tal-Partit Nazzjonalista Adrian Delia fid-dawl tal-arrest tas-sid tal-bank Pilatus.

Is-settur tas-servizzi finanzjarji f’Malta għandu reputazzjoni tajba li nbniet matul is-snin u għalhekk il-Gvern għandu l-obbligu li jieħu d-deċiżjoni li jħares l-impjiegi u r-reputazzjoni ta’ dan is-settur, li huwa wieħed mill-aktar importanti għall-ekonomija ta’ pajjiżna.

Il-Kap tal-Partit Nazzjonalista Adrian Delia qal li l-ħaddiema fis-settur finanzjarju għandhom jingħataw il-protezzjoni li jixirqilhom mill-Gvern. Dr Delia qal li Joseph Muscat irid iġorr ir- reponsabbiltà għaliex il-ħsara issa saret u għalhekk il-liċenzja tal-bank Pilatus għandha tiġi revokata. Dan sabiex ir-reputazzjoni tas-settur tas-servizzi finanzjarji, li għaliha stinkaw il- ħaddiema u l-professjonisti f’dan is-settur ma tittappanx.

Il-filmat tal-konferenza tal-aħbarijiet tal-Kap tal-Partit Nazzjonalista Adrian Delia, wara l- arrest fl-Istati Uniti tas-sid tal-bank Pilatus, jinsab f’din il-link:

https://www.facebook.com/partitnazzjonalista/videos/2088220584552020/

21.03.2018