ŻOMM AĠĠORNAT:

Il-Partit Nazzjonalista jappella lill-Gvern sabiex ibiddel id-deċiżjoni tiegħu, li l-estensjoni tal- qasam industrijali ta’ Bulebel u jeqred 120,000 metru kwadru ta’ art b’valur agrikolu, storiku u bijoloġiku. Din id-deċiżjoni tal-Gvern se tkun qed tfisser telfa għall-bdiewa li jaħdmu din l- art u telfa għall-komunità taż-Żejtun. Dan huwa kontra dak mitlub mill-policy document tal- Gvern stess, l-ISPED, kif ukoll kontra dak mitlub mill-pjan lokali. Joseph Muscat mhux jgħid il-verità kollha meta jgħid biss li din l-art hija identifikata għall-iżvilupp industrijali, u jieqaf hemm.

L-iSPED jitlob studju fuq din l-art agrikola, qabel ma’ din tingħata għall-izvilupp:

  • Rural Objective 1 ta’ l-iSPED tgħid ċar u tond li art agrikola tajba għandha tiġi protetta milli tiġi żviluppata.

  • Rural Objective 2 ta’ l-iSPED tgħid ukoll li fejn l-iżvilupp ma jistax isir post ieħor għajr f’postijiet rurali, wieħed għandu jagħżel post li huwa diġà identifikat bħala area of containment, jew li diġà kien żviluppat qabel, jew li diġà għandu bini fuqu u dan filwaqt illi dan l-iżvilupp propost irid itejjeb l-ambjent rurali.

  • Il-pjan lokali għan-nofsinhar ta’ Malta jiddikjara li din l-art agrikola hija identifikata bħala land of high-grade agricultural value u tesiġi li qabel jsir l-istudju, before any additional industrial development can be permitted.

    Il-Partit Nazzjonalista jemmen fl-izvilupp sostenibbli u allura jitlob lill-Prim Ministru, l- Ministru għall-Ambjent u l-Ministru għall-Ippjanar:

1. Jikkonfermaw minnufih jekk sarx dan l-istudju mitlub mil-liġi li jiġġustifika l- iżvilupp.

2. Minnufih jippubblikaw l-istudju, jekk sar.

3. Minnufih jgħidu min għamel l-istudju.

4. Jispjegaw għaliex il-Prim Ministru qatt m’għamel referenza għal dan l-obbligu legali

li jsir l-istudju li jiddetermina l-valur agrikolu tar-raba’.

  1. Jgħidu x’laqgħat kellu l-Ministru għall-Ambjent mal-bdiewa li jaħdmu din ir-raba’.

  2. Jgħidu min huma l-kumpaniji li jridu li l-fabbriki tagħhom tkun flok ir-raba’, u biex

jikkonfermaw jekk hemmx waħda minnhom indikata diġà għall-produzzjoni tal-kannabis mediċinali.

Jason Azzopardi

Kelliem tal-Oppożizzjoni dwar l-Ambjent, l-Affarijiet Marittimi u l-Green Initiatives

Marthese Portelli

Kelliema għall-Proġetti Kapitali, għall-Ippjanar u s-Suq tal-Propjetà

Edwin Vassallo

Kelliem tal-Oppożizzjoni għas-Self Employed, Negozji Żgħar, Koperattivi, Biedja u Sajd

13.02.2018