Laqgħat Ġenerali Annwali tal-Kumitati Sezzjonali

Il-Partit Nazzjonalista huwa aħna lkoll. Għalhekk, sabiex il-Partit jirnexxi għandu bżonn lil kulħadd.

Qed nistiednukom tinvolvu ruħkom fil-proċess ta’ tiġdid fil-Kumitati Sezzjonali tagħna. It-tiġdid irid iġib taħlita ta’ nies b’esperjenza vasta ma’ nies ġodda li flimkien ikunu jistgħu jsawru l-ħidma tal-Partit Nazzjonalista fuq livell lokali minn issa sal-elezzjoni ġenerali, tiġi meta tiġi.

• X'inhu x-xogħol tal-Kumitati Sezzjonali?

Il-Kumitati Sezzjonali huma l-leħen tal-Partit Nazzjonalista fil-lokalità u huma essenzjali biex il-Partit ikun jista' jwassal il-messaġġ tiegħu b’mod effettiv u effiċjenti. Huma jiddiskutu l-politika u l-programm tal-partit u jmexxuhom ’il quddiem fil-lokalità b’kull mezz possibbli, kif ukoll jiddiskutu kwistjonijiet nazzjonali u lokali u jressqu il-proposti tagħhom dwarhom quddiem il-partit. Il-Kumitati Sezzjonali għandhom l-irwol ukoll li jżommu ruħhom infurmati dwar il-ħidma tal-Kunsill Lokali u l-ħtiġiet tal-lokal kif ukoll huma inkarigati biex iwaqqfu netwerks ta’ żgħażagħ, nisa, anzjani u ta’ gruppi oħra skont l-ambjent soċjo-kulturali tal-lokal.

• Kif tista' ssir membru tal-Kumitat?

Trid tkun tesserat fl-aħħar sena u timla n-nomina li tinsab hawnhekk.

Imla' l-formola u ibagħatha lis-Segretarju Eżekuttiv Organizzattiv fuq michael.piccinino@pn.org.mt, lis-Segretarju tal-Kumitat rispettiv jew għand is-Segreterija tal-Partit fid-Dar Ċentrali, Triq Herbert Ganado, Pietà, jew is-Sub Headquarters tal-PN f’Għawdex, Triq Sannat, Ta’ Sannat, Għawdex.

In-nomini għandhom jaslu sa mhux aktar tard minn 7 t’ijiem qabel id-data oriġinali tal-Laqgħa Ġenerali partikolari.

Jekk ikun hemm aktar minn 18-il nomina ssir elezzjoni skont il-provedimenti tal-istatut. F'każ ta' elezzjoni ssir is-Sibt ta' wara l-Laqgħa Ġenerali Annwali.

• Meta se jsiru l-Laqgħat Ġenerali Annwali?

Dawn il-laqgħat se jibdew fit-18 ta' Jannar, hekk kif dawk skedati fil-ġranet ta' qabel ġew posposti.
Id-dati, il-ħinijiet u l-postijiet fejn se jsiru l-kumplament tal-Laqgħat Ġenerali Annwali jinsabu hawn: